Grunnleggjaren av anbjørgsekseterapi.no
Eg er offentleg godkjent sjukepleier, veileder og kroppsterapeut. Eg har spissa min kompetanse til å hjelpe personer med stressreduksjon,  smertelindring og til å leve godt med sine utfordringar.  Det vere seg akutte skader eller kroniske plager. 

Mi erfaring som sjukepleier har eg frå kreftavdelinga på SUS, der eg var tilsett frå 1987 til 2007.  Eg har også oppdrag der i dag som veiledar for refleksjonsgrupper.  I Asia vart eg kjent med bindevevsteknikk som behandlingsmetode.  Og ja, det var eit personleg møte med ein dyktig terapeut etter ei bilulykke, som påvirka meg den retning.  Både mannen min og eg fekk hjelp med bowenterapi av ei som også var medisinsk fagleg utdanna.  God og rask rehabilitering stimulerte til min satsing på å verte terapeut og veiledar. Veiledningsutdanning har eg frå Høgskulen i Bergen og NLP kurs i Singapore.

I 2010 etablerte eg klinikken min. Erfaring som kreftsjukepleier (utdanna frå Radiumhospitalet i 1996) , veiledar og terapeut har hjelpt meg til å vere ein seriøs og dyktig aktør i behandlingsbransjen. I tillegg til å vere erfarings-og kunnskapsrik, er eg intiutiv, effektiv og empatisk.  Du skal forvente ei heilheitleg behandling som
er tilpassa dine behov.